PAGKABUHI BILANG CRISTIANO

Indi Pagsunda ang Impluwensia sang Kalibutan Kon Nagaplano sang Kasal

Madamo sing desisyon nga himuon ang magnobyahanay nga Cristiano nga nagaplano sa pagpakasal. Mahimo nga ma-pressure sila nga sundon ang magarbo nga mga kasal nga kinaandan sa ila lugar. Mahimo ang ila mga paryente kag mga abyan may ara sang mga panugda kon ano ang ilakip sa kasal. Ano nga mga prinsipio sa Biblia ang makabulig sa magnobyahanay sa pagplano sang ila kasal nga indi matublag ang ila konsiensia kag wala sila sing hinulsulan sa ulihi?

TAN-AWA ANG VIDEO NGA MGA KASAL NGA NAGAPADUNGOG KAY JEHOVA, DAYON SABTI ANG MASUNOD NGA MGA PAMANGKOT:

Paano ang masunod nga mga prinsipio sa Biblia nakabulig kanday Nick kag Juliana?
Ngaa dapat hamtong sa espirituwal nga utod ang pilion sang mga kalaslon para mangin “manugdumala sang punsion”?—Ju 2:9, 10.
Ano ang basihan sang personal nga mga desisyon nanday Nick kag Juliana para sa ila kasal?
Kay sin-o desisyon ang sundon kon parte sa seremonya kag punsion sang kasal?—w06 10/15 25-26 ¶10.

Piktyur: Mga eksena sa video nga ‘Mga Kasal nga Nagapadungog kay Jehova.’ Sanday Nick kag Juliana, magnobyahanay nga mga Cristiano nga nagaplano sang ila kasal kag madamo sila sing himuon nga desisyon. 1. Mag-asawa nga nagapangamuyo sing personal. 2, Electronic tablet kag mga papel nga makita ang ila gin-research. 3. Magnobyahanay nga nagaistorya sang ila plano sa kasal upod sa ila pamilya. 4. Magnobyahanay nga nagapreparar sang ila imbitasyon sa kasal upod sa ila pamilya kag mga abyan.