Ano ang Matun-an Mo sa Orihinal nga mga Kanta?

Ano ang nanamian mo gid nga orihinal nga mga kanta? Ngaa? Ginapakita bala sang video ang nagakatabo sa aton adlaw-adlaw nga pagkabuhi? Bangod sarisari ang tema kag klase sang musika, ang kada isa sa aton may nanamian gid. Pero ini nga mga kanta kag music video wala lang ginhimo para lingawon kita.

Ang kada kanta nagatudlo sa aton sing praktikal nga mga leksion nga maaplikar naton sa aton pagkabuhi kag ministeryo bilang Cristiano. Ang pila ka kanta parte sa pagkamaabiabihon, paghiusa, pag-abyanay, kaisog, gugma, ukon pagtuo. Ang iban parte sa pagbalik kay Jehova, pagpatawad, pagpabilin nga matutom, kag paglab-ot sing espirituwal nga mga tulumuron. May kanta pa gani parte sa balanse nga paggamit sing cell phone. Ano pa nga praktikal nga mga leksion ang imo natun-an sa orihinal nga mga kanta?

TAN-AWA ANG VIDEO SANG ORIHINAL NGA KANTA NGA DALI NA LANG KATAMA, DAYON SABTI ANG MASUNOD NGA MGA PAMANGKOT:

• Ano nga pagpakamaayo sa palaabuton ang ginapamensar sang may edad na nga mag-asawa?—Ge 12:3

• Paano naton mapalig-on ang aton pagtuo sa ikasarang ni Jehova sa pagtuman sang iya mga promisa?

• Ano nga makalilipay nga pagkilit-anay ang malapit na lang matabo?

• Paano ang paglaum sa Ginharian makabulig sa aton nga mabatas ang mga kabudlayan subong?—Ro 8:25