MGA BAHANDI SA PULONG SANG DIOS | GENESIS 15-17
Ngaa Gin-islan ni Jehova ang Ngalan ni Abram kag ni Sarai?
Para kay Jehova, si Abram wala sing kasawayan. Sang ginpasangkad niya ang Iya promisa kay Abram, ginhatagan niya sing ngalan si Abram kag si Sarai nga nagalaragway sang matabo sa palaabuton.
Suno sa kahulugan sang ila ngalan, si Abraham nangin amay sang madamo nga pungsod kag si Sara nangin katigulangan sang mga hari.
Abraham
Amay sang Kadam-an
Sara
Prinsesa
Indi naton mapili ang aton ngalan pagkabun-ag naton. Pero pareho kay Abraham kag Sara, puede kita makahimo sing maayo nga ngalan ukon reputasyon. Pamangkuta ang imo kaugalingon:
‘Ano ang himuon ko para tamdon ako ni Jehova nga wala sing kasawayan?’
‘Ano nga klase sang ngalan ang ginahimo ko kay Jehova?’