MGA BAHANDI SA PULONG SANG DIOS | EXODO 6-7
“Karon Makita Mo Kon Ano ang Himuon Ko sa Paraon”
Antes ginpahanabo ni Jehova ang mga kalalat-an sa Egipto kag ginhilway ang mga Israelinhon sa pagkaulipon, ginsilingan niya ang mga Israelinhon kon ano ang iya himuon. Makita nila ang gahom ni Jehova sa paagi nga wala pa gid nila makita, kag makilala sang mga Egiptohanon kon sin-o gid si Jehova. Sang natuman ang mga promisa sang Dios, napalig-on ang pagtuo sang mga Israelinhon, kag nakabulig ini sa ila nga masikway ang impluwensia sang butig nga mga panudlo sang ara sila sa Egipto.
Paano ini nga kasaysayan sa Biblia makapalig-on sa imo pagtuo nga matuman ang mga promisa sang Dios sa palaabuton?