Ang Katuyuan sang mga Dulot

1:3; 2:1, 12; 3:1

Ang mga dulot, ukon halad, nga ginapatuman sang Kasuguan sang katipan nagpahamuot kay Jehova kag nagpatuhoy kay Jesus kag sa halad-gawad ukon sa mga benepisyo nga matigayon sa sini nga halad.—Heb 8:3-5; 9:9; 10:5-10.

• Pareho sang ginahalad nga mga sapat nga dapat mapagros kag wala sing depekto, ginhalad man ni Jesus ang iya himpit kag wala sing depekto nga lawas.—1Pe 1:18, 19; tan-awa ang piktyur sa kober

• Pareho sang mga dulot nga sinunog nga ginahalad sing bug-os sa Dios, ginhatag man ni Jesus sing bug-os ang iya kaugalingon kay Jehova

• Pareho sa mga naghalad sing halad sa pag-ambitanay nga may aayo nga kaangtanan sa Dios, ang mga hinaplas nga nagaambit sa Panihapon sang Ginuo may maayo man nga kaangtanan sa Dios