Pabakura ang Inyo Pag-asawahay

Para kay Jehova, sagrado ang pag-asawahay. Nagsiling sia nga dapat mangin mainunungon ang bana kag asawa sa isa kag isa. (Mat 19:5, 6) Sa katawhan sang Dios, madamo nga mag-asawa ang maayo gid nga halimbawa. Pero, wala sang perpekto nga pag-asawahay kay may nagautwas gid nga problema. Indi naton dapat pagsundon ang pagpati sang kalabanan nga ang pagbulagay kag pagdiborsio amo ang solusyon kon may problema ang mag-asawa. Paano mapabakod sang Cristiano nga mag-asawa ang ila pag-asawahay?

Binagbinaga ining lima ka importante nga paagi.

1. Bantayi ang imo tagipusuon paagi sa paglikaw sa mga butang nga makapaluya sang pag-asawahay pareho sang pag-flirt kag imoral nga kalingawan.—Mat 5:28; 2Pe 2:14.

2. Pabakura ang imo kaangtanan sa Dios kag palambua ang imo handum nga pahamut-an sia sa inyo pag-asawahay.—Sa 97:10.

3. Padayon nga isuksok ang bag-o nga personalidad kag pakitai sing kaayo ang imo tiayon bisan sa gamay nga mga butang.—Col 3:8-10, 12-14.

4. Maghambal nga may pagtahod kag hupti ang maayo nga komunikasyon.—Col 4:6.

5. Ihatag ang seksuwal nga kinahanglanon sang imo tiayon kag ipakita ang pagpalangga. —1Co 7:3, 4; 10:24.

Kon ginapadunggan sang mga Cristiano ang pag-asawahay, ginapadunggan man nila ang Tagtukod sini, si Jehova.

TAN-AWA ANG VIDEO NGA “MAGDALAGAN KITA NGA MAY PAGBATAS”—SUNDA ANG MGA PAGSULUNDAN SA PALUMBA, DAYON SABTI ANG MASUNOD NGA MGA PAMANGKOT:

• 

  Bisan pa sa primero malipayon ang pag-asawahay, ano nga mga kabudlayan ang mahimo mag-utwas?

• 

  Paano makabulig ang mga prinsipio sa Biblia sa mga nagabatyag nga wala na sing gugma ang ila pag-asawahay?

• 

  Ano ang ginapatuman ni Jehova sa pag-asawahay?

• Ano ang dapat himuon sang bana kag asawa para mangin madinalag-on ang ila pag-asawahay?