MGA BAHANDI SA PULONG SANG DIOS

Ginaorganisar ni Jehova ang Iya Katawhan

[Ipatan-aw ang video nga Introduksion sa Numeros.]

Nagkampo ang mga Israelinhon base sa tatlo ka tribo nga dibisyon (Nu 1:52, 53; w94 12/1 9 ¶4)

Mahimo nga mga 3,000,000 ukon sobra pa ang nagkampo nga mga Israelinhon (Nu 2:32, 33; it-1-E 397 ¶4)

Gusto ni Jehova nga simbahon sia sang iya katawhan sing organisado. Matuod gid ina sa pungsod sang Israel sadto kag amo man sa aton subong.—1Co 14:33, 40.

Ang pagplastar sang mga tribo sa kampo sang Israel. Ang tabernakulo ara sa tunga. Ang pinakamalapit sa tabernakulo amo ang mga pamilya sang tribo ni Levi: Si Aaron sa sidlangan, mga Kohatnon sa bagatnan, mga Gersonhon sa katundan, kag mga Merarinhon sa aminhan. Ang 12 ka tribo sang Israel ara sa unhan. Sa sidlangan ang tribo nanday Isacar, Juda, kag Zebulon. Sa bagatnan ang tribo nanday Gad, Ruben, kag Simeon. Sa katundan ang tribo nanday Benjamin, Efraim, kag Manases. Sa aminhan ang tribo nanday Neptali, Dan, kag Aser.

PAMANGKUTA ANG IMO KAUGALINGON, ‘Paano ko mapakita ang akon bug-os nga pagsuporta sa organisasyon ni Jehova?’