Iilustrar ang Panguna nga mga Punto

Kon naga-return visit kita ukon naga-Bible study, dapat naton buligan ang aton tagpalamati nga mahangpan ang panguna nga mga punto. Paagi sa pag-ilustrar sining mga punto, mahimo naton matandog ang ila tagipusuon kag mas mahapos nila madumduman ang aton ginatudlo.

Samtang nagahanda ka para sa imo return visit ukon Bible study, magpili sang yabi nga mga punto, indi ang magagmay nga mga detalye, nga gusto mo iilustrar. Dayon magpili sang simple nga mga ilustrasyon base sa nagakatabo sa aton adlaw-adlaw. (Mat 5:14-16; Mar 2:21; Lu 14:7-11) Talupangda sing maayo ang gindak-an kag ang mga hilikuton sang imo tagpalamati. (Lu 5:2-11; Ju 4:7-15) Kon makita mo nga nalipay sia bangod nga nahangpan niya ang punto, mangin malipayon ka man.

TAN-AWA ANG VIDEO NGA MAGKALIPAY SA PAGHIMO SANG DISIPULO—PAUSWAGA ANG IMO MGA IKASARANG—IILUSTRAR ANG PANGUNA NGA MGA PUNTO, DAYON SABTI ANG MASUNOD NGA MGA PAMANGKOT:

• 

  Ngaa dapat buligan ang mga estudyante nga mahangpan ang mga teksto sa Biblia?

• 

  Paano gin-ilustrar ni Neeta ang kamatuoran nga mabasa sa Roma 5:12?

• 

  Ano ang epekto sang maayo nga mga ilustrasyon sa aton mga tagpalamati?

• Sa aton pagministeryo, ngaa dapat kita maggamit sang mga video kag iban pa nga mga gamit sa pagpanudlo nga gin-aman sang organisasyon ni Jehova?