Disiplina—Ekspresyon sang Gugma ni Jehova

Ang disiplina nagapatuhoy sa pagtudlo kag paghanas, pero nagalakip man ini sa pagtadlong kag pagsilot. Ginadisiplina kita ni Jehova para mangin kalahamut-an ang aton pagsimba sa iya. (Ro 12:1; Heb 12:10, 11) Kon kaisa, masakit gid kon ginadisiplina, pero nagaresulta ini sa pagkamatarong kag mga pagpakamaayo. (Hul 10:7) Ano ang dapat dumdumon sang mga nagahatag kag mga nagabaton sang disiplina?

Ang nagadisiplina. Ang mga gulang, mga ginikanan, kag ang iban nagatinguha gid nga ilugon si Jehova sa pagdisiplina sing mainayuhon kag mahigugmaon. (Jer 46:28) Bisan pa mabug-at ang disiplina, dapat ini ihatag sing nagakaigo upod ang gugma.—Tit 1:13.

Ang ginadisiplina. Bisan ano pa ini nga klase sang disiplina, dapat gid naton ini batunon kag i-aplikar dayon. (Hul 3:11, 12) Bangod indi kita himpit, tanan kita nagakinahanglan sang disiplina sa lainlain nga paagi. Mahimo kita madisiplina sang aton mabasa sa Biblia ukon sang aton mabatian sa mga miting. Kon kaisa, ang iban mahimo disiplinahon sang hudisyal nga komite. Ang pagsunod sa disiplina nagakahulugan sang kabuhi nga wala sing katapusan.—Hul 10:17.

TAN-AWA ANG VIDEO NGA “ANG GINAHIGUGMA NI JEHOVA GINADISIPLINA NIYA,” DAYON SABTI ANG MASUNOD NGA MGA PAMANGKOT:

• 

  Ano ang kabuhi ni Canon sang primero kag paano ini nagbag-o?

• 

  Ano nga mahigugmaon nga disiplina ang iya nabaton halin kay Jehova?

• 

  Ano ang aton matun-an sa iya eksperiensia?