Magtudlo nga May Kapagsik

Makalalaton gid ang kapagsik. Mas mamati ang mga tawo kon mapagsik kita. Ginapakita man sini nga importante gid para sa aton ang aton mensahe. Bisan ano man ang aton kultura ukon personalidad, mapalambo naton ang kapagsik. (Ro 12:11) Paano?

Una, hunahunaa kon ano ka importante ang imo mensahe. Pribilehiyo mo nga ‘ibantala ang maayong balita tuhoy sa maayo nga mga butang!’ (Ro 10:15) Ikaduha, pamalandungi ang positibo nga epekto sang maayong balita sa imo tagpalamati. Kinahanglan gid nila mabatian ang imo ibantala. (Ro 10:13, 14) Dayon, maghambal nga may kapagsik, magkumpas sing natural kag ipakita ang pagkasinsero sa imo nawong.

TAN-AWA ANG VIDEO NGA MAGKALIPAY SA PAGHIMO SANG DISIPULO—PAUSWAGA ANG IMO MGA IKASARANG—MAGTUDLO NGA MAY KAPAGSIK, DAYON SABTI ANG MASUNOD NGA MGA PAMANGKOT:

• 

  Ngaa nadula ang kapagsik ni Neeta sa iya pag-Bible study kay Jade?

• 

  Ano ang nakabulig kay Neeta nga mangin mapagsik liwat?

• 

  Ngaa dapat kita magpokus sa positibo nga mga kinaiya sang aton mga tagpalamati?

• Ano ang mahimo nga epekto sang aton kapagsik sa aton mga Bible study kag sa iban?