MANGIN EPEKTIBO SA MINISTERYO | KON PAANO MANGIN MAS MALIPAYON SA IMO MINISTERYO
Batuna ang Bulig sang Aton Kauturan
Ginagamit ni Jehova ang “tanan” naton nga kauturan para buligan kita. (1Pe 5:9) Mabuligan nila kita nga masarangan ang mga kabudlayan sa pagministeryo. Halimbawa, daku gid nga bulig kay apostol Pablo sanday Aquila kag Priscila, Silas, Timoteo, kag iban pa.—Bin 18:1-5.
Paano ka mabuligan sang mga kauturan sa ministeryo? Mahimo may mga suhestyon sila kon ano ang himuon mo kon may pagpamatok, kon paano mag-return visit, ukon paano magtanyag kag maghiwat sang mga Bible study. Pamensara kon sin-o sa inyo kongregasyon ang puede makabulig sa imo kag magpabulig sa iya. Sigurado nga pareho kamo nga makabenepisyo kag mangin malipayon.—Fil 1:25.
TAN-AWA ANG VIDEO NGA MAGKALIPAY SA PAGHIMO SANG DISIPULO—BATUNA ANG BULIG NI JEHOVA —ANG ATON KAUTURAN, DAYON SABTI ANG MASUNOD NGA MGA PAMANGKOT:
Paano ginpalig-on ni Neeta si Jade nga magtambong sa miting sang kongregasyon?
Ngaa dapat naton agdahon ang iban nga kauturan sa aton Bible study?
Kinahanglan magbuligay ang bilog nga kongregasyon para ang isa ka interesado mangin disipulo
Ano ang pareho nga hilig ni Jade kag ni Abigail?
Ano nga mga ikasarang sa pagministeryo ang puede itudlo sa imo sang iban nga kauturan?