Ang mga Tinuga Nagapabakod sang Aton Pagsalig sa Kaalam ni Jehova

Nabal-an gid bala ni Jehova kon ano ang pinakamaayo para sa aton? Huo! Kumbinsido kita sini, gani nagapagiya gid kita sa iya. (Hul 16:3, 9) Pero, matestingan ang aton pagsalig sa iya giya kon lain ini sangsa aton ginahunahuna. Mapabakod naton ang aton pagsalig sa kaalam ni Jehova kon pamalandungan naton ang iya mga tinuga.​—Hul 30:24, 25; Ro 1:20.

TAN-AWA ANG VIDEO NGA GINDESINYO BALA INI? NGAA WALA NAGAKATRAPIK ANG MGA SUBAY?, DAYON SABTI ANG MASUNOD NGA MGA PAMANGKOT:

• Ano ang ginahimo sang kalabanan nga subay kada adlaw?

• Ngaa wala nagakatrapik ang mga subay?

• Ano ang matun-an naton sa ginahimo sang mga subay?

TAN-AWA ANG VIDEO NGA GINDESINYO BALA INI? ANG ABILIDAD SANG BUMBLEBEE SA PAGLUPAD, DAYON SABTI ANG MASUNOD NGA MGA PAMANGKOT:

• Ano ang nabudlayan sang mga tawo kon nagapalupad sila sang magagmay nga eroplano?

• Ngaa bisan mabaskog ang hangin, indi mapalid ang nagalupad nga bumblebee?

• Ano pa ang mabenepisyo sang mga tawo kon tun-an pa gid nila ang abilidad ukon kaalam sang bumblebee?

Ano nga mga tinuga ni Jehova nga nakita mo nga nagapamatuod sang iya kaalam?