Mga Pamatan-on​—Isugid sa Inyo mga Ginikanan ang Inyo Ginahunahuna

Ngaa dapat mo isugid sa imo mga ginikanan ang imo ginahunahuna? (Hul 23:26) Kay sila ang ginhatagan ni Jehova sang responsibilidad sa pag-atipan kag paggiya sa imo. (Sa 127:3, 4) Kon indi mo pag-isugid sa ila ang imo mga ginakabalak-an, indi ka nila mabuligan kag indi ka makatuon sa ila mga eksperiensia. Sala bala kon may wala ka ginasugid sa ila? Indi man, basta wala ka lang nagabutig sa imo mga ginikanan.​—Hul 3:32.

Ano ang himuon mo para maistorya mo ang imo mga ginikanan? Magpili sang tion nga maayo para sa imo kag sa ila. Kon nabudlayan ka, puede mo isulat ang imo ginahunahuna kag ihatag ini sa ila. Ano abi kon gusto nila istoryahan ang topiko nga indi mo gusto? Dumduma nga gusto ka nila buligan. Pamensara nga isa kamo ka team kag indi mo sila mga kontra. Kon ginatinguhaan mo nga isugid sa imo mga ginikanan ang imo ginahunahuna, makabenepisyo ka gid indi lang subong kundi asta sa wala sing katapusan.​—Hul 4:10-12.

TAN-AWA ANG VIDEO NGA KABUHI SANG TIN-EDYER​—PAANO KO ISTORYAHON ANG AKON MGA GINIKANAN?, DAYON SABTI ANG MASUNOD NGA MGA PAMANGKOT:

• 

  Ano ang narealisar ni Esther kag ni Partik?

• 

  Ano ang matun-an mo sa halimbawa ni Jesus?

• 

  Paano ginapakita sang imo mga ginikanan nga palangga ka nila?

• 

  Ano nga mga prinsipio sa Biblia ang makabulig sa imo sa pag-istorya sa imo mga ginikanan?