Nakahanda Ka Na Bala Kon May Matabo nga Kinagamo?

Nagahilapit na gid ang katapusan sini nga sistema, gani mapaabot naton nga pirme may kinagamo, terorismo, kag mga inaway. (Bug 6:4) Ano ang aton himuon para mahandaan ini?

• Sa espirituwal: Tun-i ang mga prinsipio sa Biblia kag mga kasaysayan nga makapabakod sang imo pagsalig kay Jehova kag sa iya organisasyon kag makabulig sa imo nga makapabilin nga neutral. (Hul 12:5; jr 125-126 ¶23-24) Subong na ang tion nga pabakuron ang imo kaangtanan sa mga kauturan.—1Pe 4:7, 8

• Sa pisikal: Planuha kon paano ka mangin safe sa inyo balay kon indi ka makagua kag magtipon sing bastante nga kinahanglanon. Planuha man kon paano kag diin ka maibakwit. Tan-awa ang unod sang imo go bag. Butangi ini sing personal protective equipment kag kuarta. Hibalua kon paano mo makontak ang mga gulang, kag siguraduha man nga makontak ka nila.—Isa 32:2; g17.5 3-7

Sa tion sang kinagamo, padayuna ang imo espirituwal nga rutina. (Fil 1:10) Magtener sa inyo balay magluwas lang kon mag-ibakwit ka. (Mat 10:16) I-share man sa iban ang imo pagkaon kag iban pa nga suplay.—Ro 12:13.

TAN-AWA ANG VIDEO NGA NAKAHANDA KA NA BALA SA KALAMIDAD? DAYON SABTI ANG MASUNOD NGA MGA PAMANGKOT:

• Paano kita mabuligan ni Jehova sa tion sang kalamidad?

• Ano ang puede naton himuon para makahanda?

• Paano naton mabuligan ang mga biktima sang kalamidad?