MGA BAHANDI SA PULONG SANG DIOS

Pilia sing Maayo ang Imo Mangin Bana Ukon Asawa

Nangin indi maalamon si Solomon sang nangasawa sia sang mga nagasimba sa butig nga mga dios (1Ha 11:1, 2; w18.07 18 ¶7)

Amat-amat nga ginpahilayo sang mga asawa ni Solomon ang iya tagipusuon kay Jehova (1Ha 11:3-6; w19.01 15 ¶6)

Naakig gid si Jehova kay Solomon (1Ha 11:9, 10; w18.07 19 ¶9)

Mga piktyur: Singgol nga sister nga nagatuon sing personal sang Biblia kag ginapamensar niya ang isa ka singgol nga brother. 1. Ang brother nga nagakomento sa miting. 2. Nagapakigbahin sia sa pagpanaksi sa publiko. 3. Nagabulig sia sa pagmentinar sang Kingdom Hall.

Ang Pulong sang Dios nagalaygay sa mga singgol nga magminyo “sa sumulunod lamang sang Ginuo.” (1Co 7:39) Pero indi buot silingon nga kon bawtismado ang isa, mangin maayo na sia nga bana ukon asawa. Mabuligan ka bala niya nga maalagad si Jehova sing bug-os? May mabakod bala sia nga gugma kay Jehova sa sulod sang malawig na nga tion? Antes ka magpasugot nga magpakasal, kilalaha gid sia anay sing maayo.