Pag-asawahay—Ang Tubtob-Buhi nga Kaangtanan

Ang madinalag-on nga pag-asawahay sang mga Cristiano nagapadungog kay Jehova kag nagapalipay sa bana kag asawa. (Mar 10:9) Para magdugay kag mangin malipayon ang pag-asawahay, dapat sundon sang mga Cristiano ang mga prinsipio sa Biblia kon nagapili sang pamanahon ukon pangasaw-on.

Mangaluyag ka lang kon ‘indi ka na tuman kabata.’ Kay kon bata ka pa, mabaskog gid ang imo balatyagon sa sekso kag mahimo magsala ka sa imo desisyon. (1Co 7:36) Samtang singgol ka pa, pabakura ang imo kaangtanan sa Dios kag panikasugi nga ipakita ang mga kinaiya sang Cristiano. Para kon mamana ka ukon mangasawa sa ulihi, mas makabulig ka para mangin madinalag-on ini.

Antes ka magpasugot nga magpakasal, kilalaha gid anay ang iya “nasulod nga pagkatawo.” (1Pe 3:4) Kon nagaduhaduha ka, istoryahi ninyo ini sang imo nobyo ukon nobya. Sa pag-asawahay, dapat pamensaron mo kon ano ang imo mahatag imbes kon ano ang imo makuha. (Fil 2:3, 4) Kon ginasunod na ninyo ang mga prinsipio sa Biblia samtang naganobyahanay pa lang kamo, mangin malipayon ang inyo pag-asawahay sa ulihi.

TAN-AWA ANG VIDEO NGA PAGHANDA SA PAGMINYO—BAHIN 3: ‘SUMAHA ANG GASTO,’ DAYON SABTI ANG MASUNOD NGA MGA PAMANGKOT:

• Ano ang masiling mo sa pagnobyahanay sang sister kag ni Shane sa umpisa?

• Ano ang natalupangdan niya sang ulihi?

• Paano sia ginbuligan sang iya mga ginikanan, kag ano nga maalamon nga desisyon ang iya ginhimo?