PAGKABUHI BILANG CRISTIANO

Iluga ang Mainunungon nga Gugma ni Jehova

Si Jehova ang pinakamaayo nga halimbawa sang mainunungon nga gugma. (Sa 103:11) Ini nga gugma indi umalagi lang kag madali madula. Kundi, madalom ini kag nagapadayon. Ginpakita ini ni Jehova sa mga Israelinhon sa madamo nga paagi. Ginhilway niya sila sa pagkaulipon sa Egipto kag gindala sila sa Ginsaad nga Duta. (Sa 105:42-44) Ginluwas man niya ang iya katawhan kag sulitsulit nga ginpatawad sang nakasala sila. (Sa 107:19, 20) Kon ‘hunahunaon naton sing maayo ang mga ginhimo ni Jehova tungod sang iya mainunungon nga gugma,’ mapahulag kita nga ilugon sia.—Sa 107:43.

Mga piktyur: Mga eksena sa video nga “Hunahunaa sing Maayo ang mga Ginhimo ni Jehova Tungod sang Iya Mainunungon nga Gugma.” 1. Si Brother Capra kag ang isa pa ka brother nga nagbisita sa balay sang isa ka sister. 2. Si Brother Capra, nga napriso upod sa iban nga brother, naghatag sing pagkaon sa nagamasakit nga brother nga nagahigda.

TAN-AWA ANG VIDEO NGA “HUNAHUNAA SING MAAYO ANG MGA GINHIMO NI JEHOVA TUNGOD SANG IYA MAINUNUNGON NGA GUGMA,” DAYON SABTI ANG MASUNOD NGA MGA PAMANGKOT:

Paano naton mapakita ang mainunungon nga gugma?

Your answer
Ngaa kinahanglan ang sakripisyo sa pagpakita sang mainunungon nga gugma?

Your answer