PAGKABUHI BILANG CRISTIANO
Mga Ginikanan—Buligi ang Inyo Kabataan nga Matigayon ang Kaalam Halin sa Dios
Ang isa sa pinakamaayo nga paagi nga mabuligan sang mga ginikanan ang ila kabataan nga matigayon nila ang kaalam halin sa Dios amo ang pagtudlo sa ila kon paano sila makabenepisyo sa mga miting sa kongregasyon. Ang makita, mabatian, kag makomento nila sa mga miting makabulig sa ila nga makatuon parte kay Jehova kag mangin suod nga abyan niya. (Deu 31:12, 13) Kon ginikanan ka, paano mo mabuligan ang imo bata nga makabenepisyo sia sa mga miting?
Tinguhai nga makatambong sing face to face sa mga miting.—Sa 22:22
Makig-istorya sa mga kauturan sa Kingdom Hall antes kag pagkatapos sang miting.—Heb 10:25
Siguraduha nga ang kada isa sa imo pamilya may kopya sang publikasyon nga gamiton sa miting, digital man ukon hard copy
Buligi ang imo bata nga maghanda sang komento sa iya kaugalingon nga tinaga.—Mat 21:15, 16
Maghambal sing positibo parte sa mga miting kag sa instruksion nga nabaton mo
Buligi ang imo kabataan nga magpakigbahin sa pagpaninlo sang Kingdom Hall kag makig-istorya sa mga tigulang sa kongregasyon
Kinahanglan sang tion kag panikasog para buligan ang imo kabataan nga mangin suod kay Jehova, kag indi ini mahapos kon kaisa. Pero makasalig ka nga buligan ka ni Jehova.—Isa 40:29.
TAN-AWA ANG VIDEO NGA BILANG MGA GINIKANAN, MAGSANDIG KAY JEHOVA KAG SA IYA KUSOG, DAYON SABTI ANG MASUNOD NGA MGA PAMANGKOT:
Ano ang epekto kanday Zack kag Leah bangod sa sobra nga kakapoy?
Ngaa dapat mangabay ang mga ginikanan kay Jehova sing kusog?
Paano ginpakita nanday Zack kag Leah nga nagasalig sila kay Jehova?