Watchtower ONLINE NGA LIBRARY
Watchtower
ONLINE NGA LIBRARY
Hiligaynon
  • BIBLIA
  • PUBLIKASYON
  • MITING
  • w20 Mayo p. 8-11
  • Nagakontrahanay nga mga Hari sa Tion sang Katapusan

Wala ang video nga ginpili mo.

Sorry, may error sa pag-load sang video.

  • Nagakontrahanay nga mga Hari sa Tion sang Katapusan
  • Ang Lalantawan Nagabantala sang Ginharian ni Jehova (Tulun-an)—2020
  • Pareho nga Materyal
  • Ang “Hari sang Aminhan” sa Tion sang Katapusan
    Ang Lalantawan Nagabantala sang Ginharian ni Jehova (Tulun-an)—2020
  • Ginapahayag ni Jehova ang “Dapat Mahanabo sa Indi Madugay”
    Ang Lalantawan Nagabantala sang Ginharian ni Jehova—2012
  • Sin-o ang “Hari sang Aminhan” Subong?
    Ang Lalantawan Nagabantala sang Ginharian ni Jehova (Tulun-an)—2020
  • Malapit Na Matapos ang Malawig nga Pagmartsa sang mga Kagamhanan sa Kalibutan
    Ang Lalantawan Nagabantala sang Ginharian ni Jehova—1988
Mangita sing Iban Pa
Ang Lalantawan Nagabantala sang Ginharian ni Jehova (Tulun-an)—2020
w20 Mayo p. 8-11

Nagakontrahanay nga mga Hari sa Tion sang Katapusan

Ang pila ka tagna sa sini nga tsart dungan nga nagakatuman. Ginapamatud-an sini nga nagakabuhi na kita sa “tion sang katapusan.”—Dan. 12:4.

Tsart nga nagapakita sang mga tagna parte sa hari sang aminhan kag hari sang bagatnan, kag kon sin-o sila sugod sang 1870 asta subong.
  • Ang una nga tsart nagapakita sang mga tagna nga dungan nga natuman sa tion sang katapusan kag sugod sang 1870 asta sang 1918. Ang tion sang katapusan nagsugod sang 1914. Una nga tagna: Mabangis nga sapat nga may pito ka ulo. Ari na ini nga sapat antes pa sang pinakauna nga petsa sa tsart. Sang Bug-os Kalibutan nga Inaway I, napilasan ang ikapito nga ulo sini nga sapat. Sugod sang 1917, nag-ayo ang pilas sang ikapito nga ulo kag nagbakod liwat ang mabangis nga sapat. Ikaduha nga tagna: Sang 1870, nangin maathag kon sin-o ang hari sang aminhan kag hari sang bagatnan. Sang 1871, ang hari sang aminhan amo ang Germany. Ang hari sang bagatnan amo ang Great Britain sang primero, pero sang 1917 ginbuslan ini sang Anglo-Amerikano nga Kagamhanan sa Kalibutan. Ikatlo nga tagna: Sugod sang 1870, si Charles T. Russell kag ang iya mga kaupod amo ang ‘mensahero.’ Sang 1881, ginpalig-on sang ‘Zion’s Watch Tower’ ang mga nagabasa sini nga ibantala ang maayong balita. Ikap-at nga tagna: Nagsugod sang 1914 ang tig-alani. Ginpain ang hilamon sa trigo. Ikalima nga tagna: Sugod sang 1917, nakilal-an ang tiil nga human sa salsalon kag daga. Makita man sa tsart: Mga hitabo sa kalibutan sugod sang 1914 asta sang 1918, Bug-os Kalibutan nga Inaway I. Mga natabo sa katawhan ni Jehova: Sugod sang 1914 asta sang 1918, ginpriso ang mga Estudyante sang Biblia sa Britain kag Germany. Sang 1918, ginpriso ang nagapanguna nga mga utod sa Bethel sa United States.
    Una nga tagna.

    Teksto Bug. 11:7; 12:13, 17; 13:1-8, 12

    Tagna Sobra 3,000 ka tuig nga ginagamhan sang “mabangis nga sapat” ang mga tawo sa kalibutan. Sa tion sang katapusan, napilasan ang ikapito nga ulo sini. Sang ulihi, nag-ayo ini kag “ang bug-os nga duta” nagsunod sa sapat. Ginagamit ni Satanas ini nga sapat para ‘magpakig-away sa mga nabilin sang kaliwat sang babayi.’

    Katumanan Pagkatapos sang Baha, naggahom ang mga gobierno sang tawo nga nagapamatok kay Jehova. Pagligad sang sobra 3,000 ka tuig, sa tion sang Bug-os Kalibutan nga Inaway I, nagluya ang impluwensia sang Britain. Nagbakod ini liwat sang nakig-alyansa sa sini ang United States. Sa tion sang katapusan, ginagamit ni Satanas ang tanan nga gobierno sa duta para hingabuton ang katawhan sang Dios.

  • Ikaduha nga tagna.

    Teksto Dan. 11:25-45

    Tagna Sa tion sang katapusan, magakontrahanay ang hari sang aminhan kag hari sang bagatnan.

    Katumanan Nakig-away ang Germany sa Britain kag United States. Sang 1945, ang Soviet Union kag ang mga kaalyado sini nangin hari sang aminhan. Sang 1991, nabungkag ukon wala na ang ginatawag nga Soviet Union. Sang ulihi, ang Russia kag ang mga kaalyado sini ang nangin hari sang aminhan.

  • Ikatlo nga tagna.

    Teksto Isa. 61:1; Mal. 3:1; Luc. 4:18

    Tagna Ginpadala ni Jehova ang iya “mensahero” para ‘ihanda ang dalan’ antes matukod ang Mesianikong Ginharian. Ini nga “mensahero” nag-umpisa sa “pagbantala sing maayong balita sa mga mahagop.”

    Katumanan Sugod sang 1870, gintun-an sing maayo ni C. T. Russell kag sang iya mga kaupod ang Biblia para mapaathag nila ang kamatuoran. Sang 1881, narealisar nila nga dapat gid magbantala ang mga alagad sang Dios. Ginpalig-on nila ini paagi sa pagsulat sang mga artikulo pareho sang “Wanted 1,000 Preachers” kag “Anointed to Preach.”

  • Ikap-at nga tagna.

    Teksto Mat. 13:24-30, 36-43

    Tagna Ang isa ka tawo nagsab-ug sing trigo sa iya uma. Dayon, ginsab-ugan ini sang kaaway sing hilamon. Nagtubo ang hilamon gani daw indi na makita ang trigo. Sa tion sang pag-ani, ginpain ang hilamon sa trigo.

    Katumanan Sugod sang 1870, nag-athag ang kinatuhayan sang matuod kag indi matuod nga mga Cristiano. Sa tion sang katapusan, gintipon ang matuod nga mga Cristiano kag ginpain sila sa indi matuod nga mga Cristiano.

  • Ikalima nga tagna.

    Teksto Dan. 2:31-33, 41-43

    Tagna Ang estatwa nga human sa lainlain nga metal may tiil nga human sa salsalon kag daga.

    Katumanan Ang daga nagarepresentar sa ordinaryo nga mga tawo nga nagarebelde sa paggahom sa ila sang Britain kag United States. Ini nga mga tawo nagpaluya sa puersa sang sini nga mga gobierno.

  • Ang ikaduha nga tsart nagapakita sang mga tagna nga dungan nga natuman sa tion sang katapusan kag sugod sang mga 1919 asta sang 1945. Ang Germany amo ang hari sang aminhan asta sang 1945. Ang Anglo-Amerikano nga Kagamhanan sa Kalibutan amo ang hari sang bagatnan. Ikan-om nga tagna: Sang 1919, ang hinaplas nga mga Cristiano gintipon sa natinluan nga kongregasyon. Sugod sang 1919, nangin mapisan pa gid kita sa pagbantala. Ikapito nga tagna: Sang 1920, naporma ang League of Nations kag nagpadayon ini asta sang magsugod ang Bug-os Kalibutan nga Inaway II. Makita man sa tsart: Ang una nga tagna parte sa mabangis nga sapat nga may pito ka ulo padayon nga nagakatuman. Ang ikalima nga tagna parte sa tiil nga human sa salsalon kag daga padayon nga nagakatuman. Mga hitabo sa kalibutan sugod sang 1939 asta sang 1945, Bug-os Kalibutan nga Inaway II. Mga natabo sa katawhan ni Jehova: Sobra 11,000 ka Saksi ang ginpriso sa Germany sugod sang 1933 asta sang 1945. Halos 1,600 ka Saksi ang ginpriso sa Britain sugod sang 1939 asta sang 1945. Sobra 2,500 ka beses nga ginhingabot sang akig nga mga tawo ang mga Saksi sa United States sugod sang 1940 asta sang 1944.
    Ikan-om nga tagna.

    Teksto Mat. 13:30; 24:14, 45; 28:19, 20

    Tagna “Ang trigo” gintipon sa “bodega” kag “ang matutom kag mainandamon nga ulipon” gintangdo sa pagdumala sa “panimalay.” Nag-umpisa ang paglapnag sang “maayong balita sang Ginharian” sa “bug-os nga duta.”

    Katumanan Sang 1919, gintangdo ang matutom nga ulipon sa pagdumala sa katawhan sang Dios. Sugod sadto, nangin mapisan pa gid ang mga Estudyante sang Biblia sa pagbantala. Subong, ang mga Saksi ni Jehova nagabantala sa sobra 200 ka pungsod kag nagahimo sing mga publikasyon nga nabase sa Biblia sa sobra 1,000 ka lenguahe.

  • Ikapito nga tagna.

    Teksto Dan. 12:11; Bug. 13:11, 14, 15

    Tagna Ang mabangis nga sapat nga may duha ka sungay amo ang nanguna sa paghimo sang “larawan sang mabangis nga sapat” nga may pito ka ulo, kag ginhatagan sini sing ‘ginhawa ang larawan.’

    Katumanan Ang Britain kag ang United States amo ang nanguna sa pagporma sang League of Nations. Ini nga organisasyon ginsuportahan sang iban pa nga mga pungsod. Sugod sang 1926 asta sang 1933, ang hari sang aminhan miembro man sang League of Nations. Mas gindayaw sang mga tawo ini nga organisasyon sangsa Ginharian sang Dios. Amo man sini ang ginahimo nila sa United Nations (UN) nga nagbulos sa sini.

  • Ang ikatlo nga tsart nagapakita sang mga tagna nga dungan nga natuman sa tion sang katapusan kag sugod sang 1945 asta sang 1991. Ang Soviet Union kag ang mga kaalyado sini amo ang hari sang aminhan asta sang 1991, kag ginbuslan ini sang Russia kag sang mga kaalyado sini. Ang Anglo-Amerikano nga Kagamhanan sa Kalibutan amo ang hari sang bagatnan. Ikawalo nga tagna: Paglupok sang atomic bomb nga nagapakita sang grabe nga halit nga ginhimo sang Anglo-Amerikano nga Kagamhanan sa Kalibutan. Ikasiam nga tagna: Naporma ang United Nations sang 1945, kag ginbuslan sini ang League of Nations. Makita man sa tsart: Ang una nga tagna parte sa mabangis nga sapat nga may pito ka ulo padayon nga nagakatuman. Ang ikalima nga tagna parte sa tiil nga human sa salsalon kag daga padayon nga nagakatuman. Sa ikan-om nga tagna, sobra 156,000 ang manugbantala sang 1945. Sang 1991, sobra 4,278,000 ang manugbantala. Mga natabo sa katawhan ni Jehova: Sa Soviet Union, linibo ka Saksi ang gintapok sa Siberia sugod sang 1945 asta sang 1951.
    Ikawalo nga tagna.

    Teksto Dan. 8:23, 24

    Tagna Ang isa ka mapintas nga hari ‘magapanglaglag sa tumalagsahon nga paagi.’

    Katumanan Ang Britain kag ang United States nagpatay sang madamo nga tawo kag grabe nga halit ang ila ginhimo. Halimbawa, sang Bug-os Kalibutan nga Inaway II, ginbombahan sang United States sing duha ka atomic bomb ang pungsod nga kontra sang Britain kag United States. Mas grabe ang halit sang sini nga armas kon ikumparar sa iban pa.

  • Ikasiam nga tagna.

    Teksto Dan. 11:31; Bug. 17:3, 7-11

    Tagna Ang sapat nga “eskarlata ang kolor” nga may napulo ka sungay nagtakas sa kadadalman kag nangin ikawalo nga hari. Ini nga hari ginatawag sa libro ni Daniel nga “makangilil-ad nga butang nga ginabangdan sang kahapayan.”

    Katumanan Sang Bug-os Kalibutan nga Inaway II, nag-untat sa pagpanghikot ang League of Nations. Pagkatapos sang inaway, ‘ginbutang’ ukon ginporma ang UN. Mas gindayaw sang mga tawo ang UN sangsa Ginharian sang Dios, pareho sa ginhimo nila sa League of Nations. Salakayon sang UN ang mga relihion.

  • Ang ikap-at nga tsart nagapakita sang mga tagna nga dungan nga nagakatuman sa tion sang katapusan kag sugod subong asta sa Armageddon. Ang Russia kag ang mga kaalyado sini amo ang hari sang aminhan. Ang Anglo-Amerikano nga Kagamhanan sa Kalibutan amo ang hari sang bagatnan. Ika-10 nga tagna: Ang mga lider sang kalibutan nagapahibalo sing ‘paghidait kag kalig-unan.’ Dayon, magasugod ang dakung kapipit-an. Ika-11 nga tagna: Ginasalakay sang mga pungsod ang butig nga mga relihion. Ika-12 nga tagna: Ginasalakay sang mga gobierno sang kalibutan ang katawhan sang Dios. Ang nabilin nga mga hinaplas tipunon sa langit. Ika-13 nga tagna: Armageddon. Ginalutos sing bug-os sang nagasakay sa puti nga kabayo ang iya mga kaaway. Nalaglag ang mabangis nga sapat nga may pito ka ulo; naigo ang tiil nga human sa salsalon kag daga kag nadugmok ang daku nga estatwa. Makita man sa tsart: Ang una nga tagna parte sa mabangis nga sapat nga may pito ka ulo padayon nga nagakatuman asta sa Armageddon. Ang ikalima nga tagna parte sa tiil nga human sa salsalon kag daga padayon nga nagakatuman asta sa Armageddon. Sa ikan-om nga tagna, sobra 8,580,000 ang manugbantala subong. Mga natabo sa katawhan ni Jehova: Sang 2017, ginpriso sang gobierno sang Russia ang mga Saksi kag ginkompiskar ang branch office.
    Ika-10 kag ika-11 nga tagna.

    Teksto 1 Tes. 5:3; Bug. 17:16

    Tagna Ang mga pungsod magapahibalo sing “paghidait kag kalig-unan,” kag salakayon kag laglagon sang “napulo ka sungay” kag sang “mabangis nga sapat” ang “makihilawason nga babayi.” Pagkatapos sini, laglagon ang mga pungsod.

    Katumanan Ang mga pungsod magasiling nga may ara na paghidait kag kalig-unan bangod sang ila mga ginhimo. Dayon laglagon sang mga pungsod nga miembro sang UN ang tanan nga butig nga relihion. Amo na ini ang pagsugod sang dakung kapipit-an. Matapos ini nga kapipit-an kon laglagon na sa Armageddon ang nabilin sa kalibutan ni Satanas.

  • Ika-12 nga tagna.

    Teksto Ezeq. 38:11, 14-17; Mat. 24:31

    Tagna Salakayon ni Gog ang duta sang katawhan sang Dios. Dayon tipunon sang mga anghel ang “mga pinili.”

    Katumanan Salakayon sang hari sang aminhan kag sang iban pa nga mga gobierno ang katawhan sang Dios. Kon magsugod na ini nga pagsalakay, ang nabilin nga mga hinaplas tipunon sa langit.

  • Ika-13 nga tagna.

    Teksto Ezeq. 38:18-23; Dan. 2:34, 35, 44, 45; Bug. 6:2; 16:14, 16; 17:14; 19:20

    Tagna “Lutuson sing bug-os” sang “nagasakay” sa “puti nga kabayo” ang iya mga kaaway paagi sa paglaglag kay Gog kag sa iya mga kasuldadusan. “Ang mabangis nga sapat” ‘itagbong sa linaw nga kalayo,’ kag dugmukon sang bato ang daku nga estatwa.

    Katumanan Luwason ni Jesus, nga Hari sang Ginharian sang Dios, ang katawhan sang Dios. Laglagon ni Jesus, sang 144,000 nga kaupod niya nga mga manuggahom, kag sang iya mga kasuldadusan nga mga anghel ang naghimbon nga mga pungsod. Amo ini ang katapusan sang kalibutan ni Satanas.

    Hiligaynon Publications (1980-2025)
    Mag-log Out
    Mag-log In
    • Hiligaynon
    • I-share
    • Mga preference
    • Copyright © 2025 Watch Tower Bible and Tract Society of Pennsylvania
    • Mga Kasugtanan sa Paggamit
    • Privacy Policy
    • Privacy Settings
    • JW.ORG
    • Mag-log In
    I-share