Kon Paano Gamiton ang Website

Paano Pangitaon ang Gin-feature nga mga Artikulo?

Ginagamit sang madamo naton nga kauturan ang gina-feature nga mga artikulo sa home page sang jw.org sa ila pagbantala. Mahapos lang ini ipadala paagi sa aton mga gadyet. Sa masami, ginapaathag sini kon paano ang mga nagakatabo subong nagapakita nga nagakatuman ang mga tagna sa Biblia. Nagsiling ang isa ka brother nga ang mga artikulo sa home page “bagay gid sa aton paagi sang pagbantala subong.”

Pero, pirme ginaislan ang mga artikulo sa home page. Paano mo pangitaon ang mga artikulo nga wala na sa home page?

• Sa home page sang jw.org/hil, i-click ang “Tan-awa ang Iban Pa” nga link nga makita sa idalom sang gina-feature nga artikulo. Ipakita sini nga link ang page nga “Mga Artikulo nga Gin-feature sa Home Page.” Makita mo diri ang iban pa nga mga artikulo.

• Sa jw.org/hil, i-click ang “Library,” dayon i-click ang “Serye sang mga Artikulo,” kag dayon ang “Iban Pa nga Topiko.” Sa JW Library^®, i-click ang “Library,” dayon i-click ang “Article Series,” kag dayon ang “Iban Pa nga Topiko.” Makita mo diri ang mga artikulo nga na-feature na sa home page.