Ginatuman sang mga Matutom ang Ila mga Panaad

Basaha ang Hukom 11:​30-40 para matun-an mo ang kasaysayan ni Jefte kag sang iya anak nga babayi parte sa pagtuman sang mga panaad.

Tun-i sing maayo ang mga teksto antes kag pagkatapos sini. Ano ang pagtamod sang matutom nga mga Israelinhon parte sa ila panaad kay Jehova? (Num. 30:2) Paano ginpakita ni Jefte kag sang iya anak nga babayi ang ila pagtuo kay Jehova?​—Huk. 11:​9-11, 19-24, 36.

Mag-research. Ano ang ginpanaad ni Jefte kay Jehova, kag ano ang kahulugan sini? (w16.04 7 ¶12) Ano ang ginsakripisyo ni Jefte kag sang iya anak nga babayi para matuman ang panaad ni Jefte? (w16.04 7-8 ¶14-16) Ano nga mga panaad ang ginahimo sang mga alagad ni Jehova subong?​—w17.04 5-8 ¶10-19.

Pamalandungi ang imo mga natun-an. Pamangkuta ang imo kaugalingon:

• ‘Ano ang makabulig sa akon para matuman ko ang akon dedikasyon kay Jehova?’ (w20.03 13 ¶20)

• ‘Ano nga mga sakripisyo ang puede ko mahimo para madugangan ang akon pag-alagad kay Jehova?’

• ‘Ano ang makabulig sa akon para matuman ko ang akon panaad sa akon bana ukon asawa?’ (Mat. 19:​5, 6; Efe. 5:​28-33)