Mangin Maisog Bisan Pa May Pagpamatok

Basaha ang Jeremias 38:​1-13 kag hibalua ang parte sa kaisog nga ginpakita ni manalagna Jeremias kag sang eunuco nga si Ebed-melec.

Tun-i sing maayo ang mga teksto antes kag pagkatapos sini. Paano ginpakita ni Jeremias nga maisog sia sa pagsugid sang mensahe ni Jehova? (Jer. 27:​12-14; 28:​15-17; 37:​6-10) Ano ang reaksion sang mga tawo sa iya mensahe?​—Jer. 37:​15, 16.

Usisaa pa gid sing maayo ang hitabo. Ano ang gusto sang mga tawo nga himuon ni Jeremias? (jr 26-27 ¶20-22) Mag-research parte sa mga bubon sang una. (it-1-E 471) Ano sa banta mo ang ginbatyag ni Jeremias sang ara sia sa bubon nga may lunang? Ngaa kinahanglan ni Ebed-melec sing kaisog?​—w12 5/1 31 ¶2-3.

Hibalua kon ano ang matun-an mo. Pamangkuta ang imo kaugalingon:

• ‘Ano ang matun-an ko sa sini nga kasaysayan parte sa paagi ni Jehova sa pag-amlig sa iya matutom nga mga alagad?’ (Sal. 97:10; Jer. 39:​15-18)

• ‘Sa ano nga mga sitwasyon dapat ako mangin maisog?’

• ‘Ano ang himuon ko para mangin maisog pa gid ako nga himuon ang husto bisan pa ginapamatukan ako?’ (w11 3/1 30)a