2014 Tuigan nga Teksto

Mga isa ka gatos ka tuig na ang nagligad, gintangdo ni Jehova si Jesus subong Hari sa indi makita nga kalangitan. Sugod sadto, makugi nga ginapahayag sang mga alagad sang Dios ang mga pagpakamaayo nga ihatag sang Ginharian sang Cristo. Handurawa! Paagi sa mahigugmaon nga pagdumala ni Jesus, ang duta mangin paraiso nga pagaistaran sang mga tawo nga nagahigugmaanay gid sa isa kag isa. Wala na sing krimen, inaway, balatian, pag-antos, kag kamatayon.

Ina nga mga pagpakamaayo matuman gid sa indi madugay. Matuod gid ang Ginharian sang Dios, kag magakari ini kag magatuman sang tanan nga katuyuan ni Jehova. Ipangamuyo nga magkari ang Ginharian, isugid ini sa iban, kag pabalori ang paglaum nga mahatag sini sa imo.