INDONESIA

Lider sang Sindikato nga Nangin Respetado nga Banwahanon

Hisar Sormin

NATAWO 1911
NABAWTISMUHAN 1952
MALIP-OT NGA BIOGRAPIYA Lider anay sang sindikato nga nangin miembro sang Komite sang Sanga.

ISA ka bes, ginpatawag si Utod Sormin sang Director of Intelligence sa opisina sang abogado heneral.

“Indonesian ka, gani sugiri ako sang matuod,” siling sang opisyal. “Ano gid bala ang ginahimo sang mga Saksi ni Jehova sa Indonesia?”

“Sugiran ko ikaw sang akon inagihan,” sabat ni Utod Sormin. “Lider ako anay sang sindikato, pero karon nagatudlo na sing Biblia. Amo ina ang ginahimo sang mga Saksi ni Jehova—ginabuligan nila ang wala pulos nga mga tawo pareho sa akon nga mangin maayo nga mga banwahanon!”

Sang ulihi nagsiling ang direktor: “Madamo sing reklamo sa mga Saksi ni Jehova. Pero nahibaluan ko nga maayo ina nga relihion kay nakabulig ini kay Mr. Sormin nga magbag-o.”