Ang Kapawa Padayon nga Nagasanag

BANGOD ginakilala sang matuod nga mga sumilimba si Jehova subong Ginhalinan sang espirituwal nga kapawa, nagapangamuyo gid sila nga ang ‘kapawa kag kamatuoran’ sang Dios magatuytoy kag magagiya sa ila. (Sal. 43:3) Samtang ang kalibutan yara sa grabe nga kadulom sa espirituwal, ang matuod nga Dios padayon nga nagapasilak sang kapawa sa iya katawhan. Subong resulta, ang ila banas “kaangay sang kapawa sang aga nga nagaamat-amat sanag.” (Hulu. 4:18) Ang nagauswag nga kapawa halin kay Jehova padayon nga nagapasanag sa ila pamaagi sa organisasyon, sa doktrina, kag sa moral. Ano ang pila sang aton pagpati nga gin-athag sining karon lang nga tinuig?