Kon Paano Batason ang Isolation
Pamatyag mo bala na-isolate ka ukon nagaisahanon kag nasubuan? Pareho man sina ang ginbatyag sang salmista nga nagsiling: “Kaangay ako sang pispis nga nagaisahanon sa atop.” (Salmo 102:7) Mabuligan ka sang kaalam halin sa Biblia para batason ang mga problema nga resulta sang isolation ukon pag-isahanon.
Magtuon sing dugang parte sa Dios
Bisan na-isolate ukon nagaisahanon, mangin malipayon ka kon hunahunaon mo ang imo kaangtanan sa Dios kag ginatun-an ang parte sa iya. (Mateo 5:3, 6) Mabuligan ka sining libre nga mga reperensia.
Basaha ang sibu kag hapos hangpon nga Biblia online
Online Bible Study Lessons nga nagasabat sang pila ka importante nga pamangkot sa kabuhi
Malip-ot nga mga video parte sa pila ka importante nga panudlo sang Biblia
“Sabat sa mga Pamangkot sa Biblia”— Direkta nga sabat sa ginapamangkot pirme sang mga tawo
“Iluga ang Ila Pagtuo”—Serye ini parte sa kabuhi sang matutom nga mga alagad sang Dios nga narekord sa Biblia
“Gindesinyo Bala Ini?”—Serye ini nga naga-feature sang katahom kag komplikado nga disenyo sa aton palibot
Magbasa sang makapaumpaw nga mga teksto sa Biblia
Ini nga mga teksto nakabulig sa madamo nga tawo nga makabatyag sang kaumpawan. Indi pagbasaha sing deretso ang mga teksto, isa-isaha ini basa kag pamaladungi samtang na-isolate ka kag magpangamuyo.—Marcos 1:35.
Hibalua ang buot silingon sang nagakatabo sa kalibutan
Mas mabatas mo ang mabudlay nga mga sitwasyon kon nahibaluan mo kon ngaa nagakatabo ini kag kon paano ini tapuson sang Dios.—Isaias 65:17.
Ngaa ginapasugtan sang Dios ang pag-antos?
Ano ang ginasiling sang Biblia parte sa balatian kag maayong panglawas?
Ano ang tanda sang katapusan nga mga adlaw?
Sin-o ang apat ka manugkabayo sang Bugna?
Ano ang himuon sang Ginharian sang Dios?
Indi magkabalaka sing tuman
Ang masunod nga mga topiko makabulig sa imo nga indi masyado ma-stress tungod na-isolate ka kag para indi ka na magkabalaka sing tuman.—Mateo 6:25.
Kon paano atubangon ang stress
Paghupot sang positibo nga panimuot
Kabalaka sa katalagman
Kabalaka sa kuarta
Kabalaka sang mga pamatan-on
Pabakura ang mga pag-abyanay
Ang pag-abyanay may benepisyo sa imo kapagros sa panghunahuna kag emosyon, ilabi na subong kay tuman kabudlay nga magkitaay. Kon indi ka kagua sa inyo balay, gamita ang videoconferencing ukon tawgi ang imo mga abyan kag makig-abyan ka man sa iban. Mabuligan ka sang masunod nga mga artikulo nga makakita sang abyan kag mangin “matuod nga abyan.”—Hulubaton 17:17.
Ano ang maayo nga abyan?
Kinahanglan gid bala nga mangita pa ako sing dugang nga abyan?
Ano abi kon pamatyag mo wala ka sing abyan?
Makig-abyan paagi sa pagkamahinatagon
Makig-abyan paagi sa pagkamapinasalamaton
Magpabilin nga aktibo
Ginsiling sang Biblia nga ang “ehersisyo may diutay nga kapuslanan.” (1 Timoteo 4:8, footnote) May epekto ini sa kapagros sang hunahuna, ilabi na kon na-isolate ka. Bisan indi ka kagua sa inyo balay, sigurado nga madamo ka sing mahimo para magpabilin nga aktibo.
Mag-ehersisyo pirme
Pabakura ang imo panglawas kag hunahuna