Kay Sin-o Ka Makasalig?—Ano ang Ginasiling sang Biblia?

Nagalalain ang mga tawo kon ginguba sang mga ginasaligan nila ang ila pagsalig. Madamo ang nadulaan sang pagsalig sa . . .

• mga pulitiko nga nagauna sang ila kaugalingon nga interes sangsa mga kinahanglanon sang mga tawo.

• media kay indi patas kag indi insakto ang ila ginareport.

• mga scientist nga ang ginahimo indi para sa kaayuhan sang mga tawo.

• mga lider sang relihion nga nagaentra sa pulitika imbes nga magrepresentar sa Dios.

Dapat gid maghalong ang mga tawo kon sin-o ang ila saligan. Nagapaandam ang Biblia:

• “Indi kamo magsalig sa tawhanon nga mga pangulo, ukon sa bisan kay sin-o nga indi makaluwas sa inyo.”—Salmo 146:3, Maayong Balita nga Biblia.

Ang isa nga masaligan mo

 Ginasugid sang Biblia kon sin-o ang masaligan mo: si Jesucristo. Indi lang sia isa ka maayo nga tawo nga nabuhi ginatos ka tuig na ang nagligad. Gintangdo sang Dios si Jesus nga “magahari . . . , kag ang iya Ginharian wala sing katapusan.” (Lucas 1:32, 33) Si Jesus ang Hari sang Ginharian sang Dios, nga isa ka gobierno nga nagagahom na subong sa langit.—Mateo 6:10.

• Para mabal-an mo kon ngaa masaligan mo si Jesus, basaha ang artikulo nga “Sin-o ang Hari sang Ginharian sang Dios?” kag “Ano ang Himuon sang Ginharian sang Dios?”