Nagapati Bala ang mga Saksi ni Jehova nga Sila Lang ang Maluwas?

Wala. Minilyon sang mga nagkabuhi sang nagligad nga mga siglo kag indi mga Saksi ni Jehova ang mahimo maluwas. Ginapaathag sang Biblia nga sa bag-ong kalibutan nga ginpromisa sang Dios, “may pagkabanhaw sang mga matarong kag mga di-matarong.” (Binuhatan 24:15) Dugang pa, madamo sa mga nagakabuhi subong ang mahimo mag-alagad man sa Dios, kag maluwas. Gani, indi kami ang makahukom kon sin-o ang maluwas kag kon sin-o ang indi. Si Jesus ang gintugyanan sa paghimo sina.—Juan 5:22, 27.