Ngaa Saksi ni Jehova ang Tawag sa Ila?

Ang ngalan sang Dios amo si Jehova, subong sang mabasa sa Biblia. (Exodo 6:3; Salmo 83:18) Ang isa ka saksi amo ang tawo nga nagapahayag sang mga pagtamod ukon kamatuoran nga ginapatihan gid niya.

Gani, ang amon ngalan nga Mga Saksi ni Jehova nagapakilala sa amon subong grupo sang mga Cristiano nga nagapahayag sang kamatuoran parte kay Jehova, ang Manunuga sang tanan nga butang. (Bugna 4:11) Nagapanaksi kami sa iban paagi sa amon paggawi kag paagi sa pagsugid sa ila sang amon natun-an sa Biblia.—Isaias 43:10-12; 1 Pedro 2:12