Ginatahod Bala Ninyo ang Iban nga Relihion?

Ginasunod namon ang laygay sang Biblia nga ‘tahuron ang tanan nga tawo’—bisan ano man ang ila relihion. (1 Pedro 2:17, Ang Biblia, HIL) Halimbawa, sa pila ka pungsod ginatos ka libo ang mga Saksi ni Jehova. Pero, wala namon ginapilit ang mga pulitiko ukon ang mga nagahimo sing kasuguan nga dumilian ang hilikuton sang iban nga relihion. Wala man kami nagapangampanya agod magpasar sang layi para ipatuman ang amon moral kag relihioso nga mga pagpati sa tanan. Sa baylo, ginatahod namon ang iban nga relihion pareho sang pagtahod nga ginapaabot namon sa ila.—Mateo 7:12.