Si Jesus Bala ang Labing Gamhanan nga Dios?

Ang sabat sang Biblia

Suno sa mga manugpamatok ni Jesus, ginhimo niya kuno ang iya kaugalingon nga tupong sa Dios. (Juan 5:18; 10:30-33) Pero wala gid nagsiling si Jesus nga tupong sia sa Labing Gamhanan nga Dios. Sia nagsiling: “Ang Amay daku pa sa akon.”—Juan 14:28.

Wala gintamod sang mga sumulunod ni Jesus sang una nga tupong sia sa Labing Gamhanan nga Dios. Halimbawa, si apostol Pablo nagsulat nga pagkatapos mabanhaw si Jesus, “ginbayaw sia sang Dios sa mataas gid nga posisyon.” Maathag nga wala nagapati si Pablo nga si Jesus ang Labing Gamhanan nga Dios. Kay kon si Jesus man ang Dios, paano niya mabayaw ang iya kaugalingon sa mataas gid nga posisyon?—Filipos 2:9.