Ngaa Wala Kamo Nagagamit sing Krus sa Inyo Pagsimba?

Madamo ang nagakabig sa krus subong simbulo sang Cristianismo. Bisan pa Cristiano ang mga Saksi ni Jehova, wala kami nagagamit sing krus sa amon pagsimba. Ngaa?

Ang isa ka rason amo nga ang Biblia nagasiling nga wala si Jesus napatay sa krus kundi sa isa ka usok ukon poste. Dugang pa, ang Biblia maathag nga nagapaandam sa mga Cristiano nga ‘magpalagyo gikan sa idolatriya,’ nga nagakahulugan nga indi maggamit sing krus sa pagsimba.​—1 Corinto 10:14; 1 Juan 5:​21.

Si Jesus nagsiling: “Paagi sa sini ang tanan makahibalo nga kamo mga disipulo ko, kon nagahigugmaanay kamo.” (Juan 13:34, 35) Gani ginpakita ni Jesus nga ang masinakripisyuhon nga gugma, indi ang krus ukon bisan ano nga imahen, ang magapakilala sang iya matuod nga mga sumulunod.