Footnote

a Ini nga sahi ginatawag nga zeppelin, ukon rigid airship, bangod may rigid ukon permanente nga balayan ini, nga amo ang nagatipig sang korte sang salakyan. Ang nonrigid airship​​—⁠kon kaisa ginatawag nga blimp⁠​—⁠​wala sing balayan kundi isa lamang ka tulad-balloon nga puyopuyo apang wala nagakaguba ang korte bangod sang presyon sang gas sa sulod sini. Ang ikatlo nga sahi amo ang semirigid airship, kaanggid sa nonrigid apang may dugang nga isa ka permanente nga suporta sa ubos sang puyopuyo sang gas. Ang kinaandan nga bahin sang tanan nga salakyan sa kahanginan nga nagapatuhay sa sini gikan sa mga balloon amo ang motor, amo kon ngaa sarang magiyahan ang mga salakyan sa kahanginan.