Footnote

a Sing makawiwili, ang iban nga mga bumalasa wala sang primero matahumi sa desinyo sang hapin sang The Golden Age. Para sa ila, daw ka kinaandan gid sadto. Bilang sabat, ang tuigan nga report sang Watch Tower Society nagsiling: “May kaangtanan sa sini masiling namon nga sang magsugod ang pagbalhag sing The Golden Age nagwelga ang mga imprintahan sa Kadak-an sang Nueva York. Mga pila ka adlaw lamang antes sini, nahimo ang kontrata para sa pagbalhag sing The Golden Age kag ang mga tawo nga nagapaandar sang mga makina nga nagagamit sang sahi sang papel kag hapin nga gamiton sa sini wala magwelga. Sa amo daw sa bugay gid sang Dios nga amo sadto nga sahi sang hapin kag papel ang napilian, kay kon iban ang napilian wala gid kuntani masugdan ang magasin. Sa amo daw subong bala nga ginkahamut-an sang Ginuo ang bag-o nga publikasyon.”