Footnote

a Samtang ang Biblia nagasiling nga “bisan ano ang ginasab-ug sang tawo, ina man ang iya anihon,” wala ini nagakahulugan nga ang pag-antos sang tawo mahimo nga silot sang Dios. (Galacia 6:⁠7) Sa sining kalibutan nga ginagamhan ni Satanas, ang mga matarong masami nga nagaatubang sing mas madamo nga problema sangsa mga malauton. (1 Juan 5:19) “Dumtan kamo sang tanan nga tawo bangod sa akon ngalan,” siling ni Jesus sa iya mga disipulo. (Mateo 10:22) Ang balatian kag ang iban pa nga sahi sang kalisud mahimo mahanabo kay bisan sin-o nga matutom nga mga alagad sang Dios.​—⁠Salmo 41:3; 73:3-5; Filipos 2:​25-27.