Footnote

a May kapin sa 70 ka duog sa mga rekord sang Ebanghelyo diin ginrekord si Jesus nga nagagamit sing pinasahi nga ekspresyon sa pagpadaku sing pagkamaminatud-on sang iya mga pulong. Masami sia nagasiling “Amen” (“Sa pagkamatuod,” NW) sa pagpamuno sing isa ka dinalan. Ang katumbas nga Hebreong tinaga nagakahulugan sing “pat-od, matuod.” Ang The New International Dictionary of New Testament Theology nagasiling: “Paagi sa pagsugod sang iya mga pulong sa amen ginkabig ini ni Jesus subong pat-od kag masaligan. Gintindugan niya ini kag ginpatuman sa iya kaugalingon kag sa iya tagpalamati. Mga ekspresyon ini sang iya pagkahalangdon kag awtoridad.”