Footnote

b Ang isa pa ka kasuguan nga may kaangtanan sa sini nagasiling nga wala sing tawo nga ang iya kinatawo nahalitan gid ang makasulod sa kongregasyon sang Dios. (Deuteronomio 23:1) Apang, ginsiling sang Insight on the Scriptures nga ini “nagapatuhoy sa hungod nga pagpaguwa sing semilya sa imoral nga mga katuyuan, subong sang homoseksuwalidad.” Busa, ina nga kasuguan wala nagalakip sa pagkapon ukon katumbas sang pagkontrol sang pagpamata. Ang Insight nagsiling man: “Si Jehova makapaumpaw nga nagtagna sang tion nga ang mga eunuco batunon niya subong iya alagad kag, kon matinumanon, may ngalan nga mas maayo pa sa mga anak nga lalaki kag anak nga mga babayi. Sa pagdula sang Kasuguan paagi kay Jesucristo, ang tanan nga tawo nga nagatuo, bisan ano man ang ila tindog ukon kahimtangan sang una, mangin espirituwal nga mga anak sang Dios. Ang undanon nga mga kinatuhayan gindula.—Isa 56:4, 5; Ju 1:12.”