Footnote

a Ang ginsiling ni Jesus nagabulig sa pagtadlong sang sayop nga ideya nga ginapaalinton sang sayop nga pagbadbad sang pila ka bersion sang Biblia sa tinaga nga “presensia.” Ginbadbad ini sang iban subong “pagkari,” “pag-abot,” ukon “pagbalik,” nga nagapahangop tanan sing umalagi lamang nga hitabo. Apang, talupangda nga wala ginpaanggid ni Jesus ang iya presensia sa Anaw sang panahon ni Noe, nga isa ka hitabo, kundi sa “mga adlaw ni Noe,” nga isa ka talipuspusan nga hut-ong sang tion. Kaangay sinang dumaan nga dag-on, ang presensia ni Cristo mangin isa ka hut-ong sang tion nga mangin masako gid ang mga tawo sa ila adlaw-adlaw nga pagkabuhi amo nga indi nila pagsapakon ang paandam sa ila.