Ambahanon 164

Mga Anak—Hamili nga mga Dulot Sang Dios

(Salmo 127:3, 4)

1. Ang manga anak dulot sang Dios,

Dapat nga tudluan, hanason.

Ang baslay ila nga katulad,

Puntariya dapat iguon.

Laygay sang Biblia:

Anak ‘hanuta.’

Apang may gugma kag kalulo,

Ang paghanas ipangamuyo.

2. Tunay nga balatyagon nila

Hantupon naton sing madalom.

Kon sugdan samtang lanubo pa,

Ang kamatuoran matanom.

Tagipusuon

Dapat labuton.

Kag sa Dios mangayo sing bulig,

Sa iya gid kita magsalig.

3. Sa aton pirme pakighambal,

Ang manga anak magabatyag

Kita tunay nga manga abyan

Kag sila hilway magpabutyag.

Di paakigon

Aton hambalon.

Kita mismo dapat maghalong

Samtang ang baslay ginatuon.

4. Ang manga anak panublion

Apang Dios ang ila tagiya.

Kag manga bunga nga may padya

Kon husto pagtudlo sa ila.

Ginalauman

Ila matunan.

Upod sa manga anak naton

Ang Dios aton nga himayaon.