-
Ginadumtan Bangod sang Ila PagtuoAng Lalantawan—1998 | Disiembre 1
-
-
17. Ano ang nagapamatuod nga ang pagbantala sang mga Cristiano sang unang siglo epektibo?
17 Ang mga Cristiano sang unang siglo nagbantala sing maayong balita sang Ginharian sang Dios nga may dimationg nga kakugi. (Mateo 24:14) Sang mga 60 C.E., nakasiling si Pablo nga ang maayong balita “ginbantala sa tanan nga tinuga sa idalom sang langit.” (Colosas 1:23) Sang katapusan sang unang siglo, ang mga sumulunod ni Jesus nakahimo sing mga disipulo sa bug-os nga Emperyo sang Roma—sa Asia, Europa, kag Aprika! Bisan gani ang pila ka katapo sang “panimalay ni Cesar” nangin mga Cristiano.a (Filipos 4:22) Ining makugi nga pagbantala wala maluyagi. Si Neander nagsiling: “Ang Cristianismo amat-amat nga naglapnag sa tunga sang mga tawo sa tanan nga kahimtangan, kag bangod sini nameligro ang relihion sang estado.”
-
-
Ginadumtan Bangod sang Ila PagtuoAng Lalantawan—1998 | Disiembre 1
-
-
a Ang ekspresyon nga “panimalay ni Cesar” wala nagapatuhoy sa mga katapo sang pamilya ni Nero, nga amo ang nagagahom sadto. Sa baylo, mahimo nga nagapatuhoy ini sa iya mga suluguon kag manubo nga mga opisyal, nga ayhan nagahimo sing sulod-balay nga mga buluhaton subong sang pagluto kag pagpaninlo para sa pamilya kag talapuanan sang emperyo.
-