Makalilipay nga mangin bahin sang isa ka mahigugmaon kag nahiusa nga pamilya! Ang stor·geʹ amo ang Griego nga tinaga nga masami ginagamit sa pagpatuhoy sa kinaugali nga pagpalangga nga nabatyagan sang isa sa mga katapo sang iya pamilya. Ang mga Cristiano nagapanikasog nga makapakita sang gugma sa mga miembro sang ila pamilya. Apang, si Pablo nagtagna nga sa katapusan nga mga adlaw, ang kalabanan nga mga tawo “wala sing kinaugali nga pagpalangga.”b—2 Tim. 3:1, 3.

Makapasubo nga sa karon amat-amat na nga nagakadula ang kinaugali nga gugma sa miembro sang pamilya. Ngaa madamo sang nagabusong ang nagapahulog sang ila bata? Ngaa madamo nga pamilya ang wala na nagakabalaka sa ila tigulang nga mga ginikanan? Ngaa madamo ang nagabulagay? Ang sabat: Nagakadula na ang kinaugali nga pagpalangga.