-
Puede Ka Mangin Abyan ni JehovaMagkabuhi sing Wala Katapusan!—Interactive nga Pagtuon sa Biblia
-
-
5. Ang gusto ni Jehova nga himuon sang iya mga abyan
May ginapaabot kita nga himuon sang aton mga abyan.
Ano ang pila ka butang nga ginapaabot mo nga himuon sang imo mga abyan sa imo?
Basaha ang 1 Juan 5:3, dayon binagbinaga ini nga pamangkot:
Ano ang gusto ni Jehova nga himuon sang iya mga abyan?
Para matuman naton si Jehova, mahimo kinahanglan naton bag-uhon ang aton mga batasan. Basaha ang Isaias 48:17, 18, dayon binagbinaga ini nga pamangkot:
Ngaa gusto ni Jehova nga maghimo sing mga pagbag-o ang iya mga abyan?
Ang maayo nga abyan nagapahanumdom sa aton sang mga butang para sa aton kaayuhan. Amo man sina ang ginahimo ni Jehova sa iya mga abyan
-
-
Ngaa Maayo Gid Kon Tinguhaan Mo nga Magpabawtismo?Magkabuhi sing Wala Katapusan!—Interactive nga Pagtuon sa Biblia
-
-
Antes ka bawtismuhan dapat ka anay magtuon parte kay Jehova kag magtuo sa iya. (Basaha ang Hebreo 11:6.) Samtang nagadamo ang imo natun-an kay Jehova kag nagabakod ang imo pagtuo sa iya, mas palanggaon mo pa gid sia. Gani gusto mo isugid ang parte sa iya kag sundon ang iya mga sugo. (2 Timoteo 4:2; 1 Juan 5:3) Kon ang isa ka tawo nagakabuhi nga “takus kay Jehova sa tuyo nga pahamut-an sia sing bug-os,” mahimo nga idedikar niya ang iya kabuhi sa Dios kag magpabawtismo.—Colosas 1:9, 10.a
-
-
Ngaa Maayo Gid Kon Tinguhaan Mo nga Magpabawtismo?Magkabuhi sing Wala Katapusan!—Interactive nga Pagtuon sa Biblia
-
-
a Kon ang isa nabawtismuhan sa iban nga relihion sang una, ngaa dapat sia magpabawtismo liwat? Kay ina nga relihion wala nagatudlo sang kamatuoran sa Biblia.—Tan-awa ang Binuhatan 19:1-5 kag ang Leksion 13.
-
-
Ipakita ang Apresasyon sa Ginhimo ni Jehova kag ni Jesus Para sa ImoMagkabuhi sing Wala Katapusan!—Interactive nga Pagtuon sa Biblia
-
-
Imadyina nga may nagluwas sa imo sang daw malumos ka na. Kalimtan mo na lang bala ang ginhimo sang nagbulig sa imo? Ukon mangita ka sing paagi para pasalamatan sia sa iya ginhimo?
Si Jehova ang naghatag sa aton sing kabuhi. Basaha ang 1 Juan 4:8-10, dayon binagbinaga ini nga mga pamangkot:
Ngaa ang halad ni Jesus espesyal nga regalo?
Ano ang ginabatyag mo sa ginhimo ni Jehova kag ni Jesus para sa imo?
Paano naton mapakita ang apresasyon sa ginhimo ni Jehova kag ni Jesus para sa aton? Basaha ang 2 Corinto 5:15 kag 1 Juan 4:11; 5:3. Pagkatapos mabasa ang kada bersikulo, binagbinaga ini nga pamangkot:
Base sa sina nga bersikulo, paano naton mapakita ang aton pagpasalamat?
-
-
Paano Naton Mapakita nga Palangga Naton si Jehova?Magkabuhi sing Wala Katapusan!—Interactive nga Pagtuon sa Biblia
-
-
LEKSION 34
Paano Naton Mapakita nga Palangga Naton si Jehova?
Sugod sang nagtuon ka sa Biblia, pamatyag mo bala nangin mas malapit ka sa Dios? Gusto mo bala mangin malapit pa gid sa iya? Kon huo, dumduma nga kon makita ni Jehova nga palangga mo sia, mas palanggaon ka pa gid niya. Paano mo mapakita nga palangga mo sia?
1. Paano naton mapakita kay Jehova nga palangga naton sia?
Mapakita naton nga palangga naton si Jehova kon ginatuman naton sia. (Basaha ang 1 Juan 5:3.) Wala niya kita ginapilit nga magtuman sa iya. Kundi, ginahatagan niya ang kada isa sa aton sing kahilwayan nga magdesisyon kon bala tumanon naton sia ukon indi. Ngaa? Kay gusto ni Jehova nga ‘kinabubut-on kita nga magtuman.’ (Roma 6:17) Buot silingon, gusto niya nga magtuman kita sa iya kay palangga naton sia, indi bangod napilitan lang kita. Ang Seksion 3 kag 4 sini nga libro makabulig sa imo nga mapakita ang imo pagpalangga kay Jehova paagi sa paghimo sang makapalipay sa iya kag paglikaw sa mga nagapaakig sa iya.
2. Ngaa indi mahapos nga ipakita ang aton pagpalangga kay Jehova?
“Madamo ang kabudlayan sang matarong.” (Salmo 34:19) Tanan kita indi perpekto. Kag mahimo nagaeksperiensia kita sang kapigaduhon, inhustisya, kag iban pa nga problema. Kon ara sa kabudlayan, mahimo mas mahapos sa aton nga indi pagtumanon si Jehova. Pero kon tumanon mo si Jehova, ginapakita mo nga palangga mo gid sia kag mainunungon ka sa iya. Gani, mangin mainunungon man sia sa imo. Indi ka gid niya pagbayaan.—Basaha ang Salmo 4:3.
USISAA PA GID
Usisaon naton kon ngaa importante kay Jehova ang imo pagtuman sa iya, kag kon ano ang makabulig para mangin mainunungon ka sa iya.
3. Nadalahig ka sa isa ka akusasyon
Suno sa libro sang Job sa Biblia, may akusasyon si Satanas indi lang kay Job, kundi sa tanan nga tawo nga gusto mag-alagad kay Jehova. Basaha ang Job 1:1, 6–2:10, dayon binagbinaga ini nga mga pamangkot:
Suno kay Satanas, ngaa nagatuman si Job kay Jehova?—Tan-awa ang Job 1:9-11.
Ano ang ginasiling ni Satanas parte sa tanan nga tawo, lakip na sa imo?—Tan-awa ang Job 2:4.
Basaha ang Job 27:5b, dayon binagbinaga ini nga pamangkot:
Paano ginpakita ni Job nga palangga gid niya si Jehova?
Ginpakita ni Job nga palangga niya si Jehova paagi sa padayon nga pag-unong sa iya
Mapakita naton nga palangga naton si Jehova paagi sa padayon nga pag-unong sa iya
4. Pasadyaha ang tagipusuon ni Jehova
Basaha ang Hulubaton 27:11, dayon binagbinaga ini nga mga pamangkot:
Ano ang batyagon ni Jehova kon mangin maalam ka kag tumanon mo sia? Ngaa?
5. Mangin mainunungon kay Jehova
Bangod palangga naton si Jehova, gusto gid naton isugid sa iban ang parte sa iya. Ang aton pagkamainunungon sa iya makabulig sa aton nga mahimo ini bisan may kabudlayan. Tan-awa ang VIDEO, dayon binagbinaga ang masunod nga mga pamangkot.
Nabudlayan ka bala nga isugid sa iban ang parte kay Jehova?
Sa video, ano ang nakabulig kay Grayson para madula ang iya kahadlok?
Mas mahapos mangin mainunungon kay Jehova kon ginahigugma naton ang iya ginahigugma kag ginadumtan ang iya ginadumtan. Basaha ang Salmo 97:10, dayon binagbinaga ini nga mga pamangkot:
Base sa imo natun-an, ano ang pila ka butang nga ginahigugma ni Jehova? Ano ang pila ka butang nga ginadumtan niya?
Ano ang himuon mo para mahigugma ang maayo kag madumtan ang malaut?
6. Makabenepisyo gid kita kon tumanon naton si Jehova
Maayo gid kon tumanon naton si Jehova. Basaha ang Isaias 48:17, 18, dayon binagbinaga ini nga mga pamangkot:
Sa banta mo, makasalig bala kita nga nabal-an gid ni Jehova kon ano ang pinakamaayo para sa aton? Ngaa?
Ano na ang nabenepisyo mo sang nagtuon ka sa Biblia kag sa matuod nga Dios nga si Jehova?
KON MAGSILING ANG IBAN: “Wala man labot ang Dios sa akon mga ginahimo.”
Ano nga bersikulo ang gamiton mo para ipakita nga may epekto kay Jehova ang aton mga ginahimo?
SUMARYO
Mapakita mo ang imo pagpalangga kay Jehova paagi sa pagtuman sa iya kag padayon nga mangin mainunungon sa iya bisan pa may mga kabudlayan.
Rebyu
Ano ang natun-an mo sa halimbawa ni Job?
Paano mo mapakita nga palangga mo si Jehova?
Ano ang makabulig para padayon ka nga mangin mainunungon kay Jehova?
DUGANG NGA IMPORMASYON
Hibalua kon paano ka mangin mainunungon kay Jehova kag sa kongregasyon.
Hibalua pa gid ang parte sa akusasyon ni Satanas sa mga tawo.
“Ginhuptan ni Job ang Iya Integridad” (Ang Biblia—Ano ang Mensahe Sini? seksion 6)
Hibalua kon paano mapakita sang kabataan ang ila pagpalangga kay Jehova.
Paano ang mga pamatan-on padayon nga mangin mainunungon sa Dios bisan pa gina-pressure sila sang ila mga kaedad?
-