Ituon ang Imo Panulok sa Padya!

1. Mga bulag magamuklat,

Mga lupog magalumpat.

Mamukadkad ang desyerto,

Bugana ang tubig didto.

Ang kamatayon dulaon,

Tigulang mangin lamharon.

Ini imo nga makita,

Kon ’gatulok ka sa padya

2. Mga apa magaamba,

Mga bungol mamati na.

Ang duta magapatubas

Sing dagaya gid nga uyas.

Magaluntad ang katawhay

Kag bugana nga kalipay.

Pagbanhaw imo makita,

Kon ’gatulok ka sa padya.

3. Magakaon na ang lobo

Upod sa mga karnero.

Isa ka diutay nga bata

Ang magatuytoy sa ila.

Madula na ang kasakit

Ang kahadlok kag kapait

Tanan ini nian makita,

Kon ’gatulok ka sa padya.