“Si Jehova ang Akon Manugbantay”

1. Si Jah akon Manugbantay;

Sin-o ang kahadlukan?

Ginatatap n’ya karnero n’ya,

Sila ginaamligan.

Ako ginapalig-on n’ya

Kag ginapaumpawan.

Tikang nakon ginagiyahan

Sa matarong nga dalan.

Tikang nakon ginagiyahan

Sa matarong nga dalan.

2. Bisan nagaisahanon

Wala sing kahangaw-an

Kay Manugbantay kaupod ko,

Indi n’ya ’ko pabay-an.

Ako ginapaayawan,

Ulo ko ginhaplasan.

Ang kaayo n’ya mabatyagan,

Balay n’ya akon puy-an.

Ang kaayo n’ya mabatyagan,

Balay n’ya akon puy-an.

3. Manugbantay ko maalam.

Akon sia nga dayawon.

Maayo n’ya nga pag-atipan,

Ginabantala nakon.

Pulong n’ya akon nga sundon,

Kag pirme nga basahon.

Handum ko nga pahamut-an sia,

Padayon nga tumanon.

Handum ko nga pahamut-an sia,

Padayon nga tumanon.