Ambahanon 10
“Yari Ako! Ipadala Ako”
1. Mga tawo ’gayaguta,
Nagabasol kay Jehova.
Siling nila: “Dios mahuyang.”
“Wala Dios!” singgit sang iban.
Sin-o nian ang magabayaw,
Sa ngalan N’ya magadayaw?
“Yari ako! Ipadala.
Agod ipakilala ka.
(KORO)
Hamili gid nga pribileh’yo
nga ipadala nimo.”
2. Mga tawo mayubiton,
Sa Dios di-mahinadlukon.
Dios nga bato ginaludhan,
Si Cesar ang dios sang iban.
Sin-o ang magapaandam,
Nga may yara kalaglagan?
“Yari ako! Ipadala.
Akon paandaman sila.
(KORO)
Hamili gid nga pribileh’yo
nga ipadala nimo.”
3. Ang mahagop ’kaluluoy,
Pirme nagapanganduhoy,
Sa tuman nga kalautan
Nga ila nga nasaksihan.
Sin-o nian ang magalugpay
Sa mga nagapanghayhay?
“Yari ako! Ipadala.
Akon nga lugpayan sila.
(KORO)
Hamili gid nga pribileh’yo
nga ipadala nimo.”
(Tan-awa man ang Sal. 10:4; Ezeq. 9:4.)