Mga Pamangkot Gikan sa mga Bumalasa

Kon ang isa ka lalaki kag isa ka babayi nga indi mag-asawa nag-updanay sa bilog nga gab-i nga wala sing nagakaigo nga rason, sala bala ini nga dapat asikasuhon sang hudisyal nga komite?

Duha ka salakyan nga naka-park sa gua sang balay sa bilog nga gab-i

Huo, ang pag-updanay sa bilog nga gab-i nga wala sing nagakaigo nga rason isa ka mabakod nga ebidensia nga nakahimo sila sing seksuwal nga imoralidad. Gani kinahanglan magporma sang hudisyal nga komite.—1 Cor. 6:18.

Dapat binagbinagon sing maayo sang hubon sang mga gulang ang kada sitwasyon para mahibaluan kon bala kinahanglan magporma sang hudisyal nga komite. Halimbawa: Magnobyohanay bala sila? Ginlaygayan na bala sila sadto parte sa ila paggawi kon magkaupod sila? Ngaa nag-updanay sila sa bilog nga gab-i? Ginplano bala nila ini? Nalikawan bala kuntani nila ini, ukon wala na gid sila sing mahimo kundi ang mag-updanay sa bilog nga gab-i bangod sang wala ginapaabot nga hitabo ukon emerhensia? (Man. 9:11) Diin sila nagtulog? Bangod indi pareho ang kada sitwasyon, mahimo may iban pa nga impormasyon nga dapat binagbinagon ang mga gulang.

Pagkatapos mabinagbinag sang hubon sang mga gulang ang tanan nga impormasyon, desisyunan nila kon bala kinahanglan magporma sang hudisyal nga komite.