Ambahanon 20
Ambahon ang Kasadya sa Ginharian
1. Kasadya sa Ginharian,
Aton nga ambahon.
Pagkabunag kalipayan,
Tanan pahibalon.
Manga tiil sa katahom
Sang nagabantala!
‘Kaluwasan sa Dios naton,’
Ang ginabalita.
2. Magambahan sing masadya,
Ang Dios himayaon.
May kahadlok, alagdon sia.
Ngalan balaanon.
Ginasimba sang katawhan
Wala gid sing pulos.
Tanan nga kamatuoran
Gikan lamang sa Dios.
3. Magbuylog sa pagambahan:
“Ang Dios ’gahari na.”
Yari na ang Ginharian,
Langit ’gasinadya.
Si Jehova nagahukom
Sing may katarungan,
Tanan nga matinumanon
Iya kahamutan.