Ambahanon 6

Ibantala ang Wala Katapusan nga Maayong Balita

(Bugna 14:6-8)

1. Nagalupad ang anghel sang Dios sa duta,

May dala sia nga maayo nga balita.

Siling n’ya: ‘Si Jehova inyo alagdon,

Sia lamang ang kahadlukan kag simbahon.

Oras sang paghukom sang Dios nagabot na,

Tanan nga malaut pagalaglagon n’ya.’

Gani kita indi dapat magpakulba

Ipadayon ang aton nga pagbantala.

2. Ikaduhang anghel, ano ang balita

Nga maibantala sa bugos nga duta?

Siling n’ya: ‘Babilonia nga Daku gubon,

Indi magadugay sia pagalaglagon.’

Gani ipahayag sugo ni Jehova,

Pagtimalos n’ya paghimaya sa iya.

Tama kalapad ang pagabantalaan;

Pangunahan sang anghel sa kalangitan.

3. “Anak sang tawo” kag manga anghel niya

Ang manga pungsod ginahukman na nila.

Ang malain dumtan, ang maayo sundon.

Sa Dios mahadlok, ang sugo n’ya tumanon.

Aton nga obligasyon nga ibantala

Ang kamatuoran, maayong balita.

Nga may kaisog aton sila agdahon,

“Kari kamo, ang Dios ang aton simbahon.”