‘Nagakadlaw Sila Anay’

Ang isa ka lalaki nga nagaalagad sa armada sa Hungary nagsiling nga sang wala pa madugay ang mga tawo nga nagahambal nahanungod sa Biblia ginakadlawan. Apang nagbag-o na ang tion. Ang soldado nagsulat kasan-o lang sa opisina sang Watch Tower Society sa Budapest, nga nagasiling:

“Sang nagligad nga pila ka adlaw, nabasa ko ang inyo publikasyon nga Mahimu Ka Mabuhi sing Dayon sa Paraiso sa Duta. May nagpahulam sini sa akon tubtob nga natapos ko ini basa. Natandog gid ako sang akon nabasahan sa libro amo kon ngaa nagpamalandong ako.” Nagapangabay ang soldado sing isa ka Biblia kag sing dugang pa nga impormasyon. Ini nga reaksion indi na kinaandan sa Sidlangan nga Europa.

Ang isa pa ka sulat nga nabaton sa opisina sang Budapest nagasiling: “Nabasa ko ang libro nga Mahimu Ka Mabuhi sing Dayon sa Paraiso sa Duta. Nahamuot gid ako sing daku sa libro, kag nagsulat ako agod mangabay nga duawon ako sang isa ka Saksi sa akon puluy-an agod regular ako nga makatuon sang Biblia.”

Ang Mahimu Ka Mabuhi sing Dayon sa Paraiso sa Duta isa ka libro nga nagahatag sing paglaum paagi sa pagtudlo sa inyo sa mga sabat sang Biblia. Nangin instrumento ini sa pagbag-o sang madamo nga kabuhi. Kon luyag ninyo sing impormasyon kon paano makabaton sing kopya, palihog sulati kag ipadala ang kaupod nga kupon.

Luyag ko mahibal-an kon paano mabaton ang 256-pahina nahapinan sing matig-a nga libro nga Mahimu Ka Mabuhi sing Dayon sa Paraiso sa Duta. (Magsulat sa direksion sa ubos para sa kasayuran. Sa guwa sang Pilipinas, magsulat sa lokal nga sanga sang Watch Tower para sa kasayuran. Tan-awa ang pahina 2.)

[Laragway sa pahina 32]

Upod ang maayong rason, tugutan sang isa ka ginikanan ang iya palangga nga anak nga operahan bisan masakit. Ang Dios may maayong mga rason man sa temporaryo nga pagtugot sa mga tawo nga mag-antos