wala maghimo sing imoralidad.​—⁠Levitico 18:​24-30.

Kamusta ang mga pulong ni Rahab agod patalangon ang mga nagalagas sa mga lampitaw? Ginkahamut-an sang Dios ang ginhimo niya. (Ipaanggid ang Roma 14:⁠4.) Ginrisgo niya ang iya kaugalingon agod maamligan ang iya mga alagad, nagahatag sing pamatuod sang iya pagtuo. Samtang ang may malain sing katuyuan nga pagbutig malain sa mata ni Jehova, ang isa ka tawo indi obligado nga isugid ang matuod nga impormasyon sa mga tawo nga indi nagakabagay sa sini. Bisan si Jesucristo wala maghatag sang bug-os nga detalye ukon direkta nga mga sabat kay basi magadala ini sing halit. (Mateo 7:6; 15:​1-6; 21:​23-27; Juan 7:​3-10) Sing maathag, ang ginhimo ni Rahab nga pagpatalang sa kaaway nga mga opisyal dapat tamdon sa sinang kapawa.

Ang Padya ni Rahab

Paano ginpadyaan si Rahab tungod sang pagpakita sing pagtuo? Ang pagluwas sa iya sang ginlaglag ang Jerico isa gid ka pagpakamaayo gikan kay Jehova. Sang ulihi, napamana niya si Salmon (Salma), ang anak sang pangulo sa kamingawan nga si Naason sang tribo ni Juda. Subong mga ginikanan sang diosnon nga si Boaz, sanday Salmon kag Rahab naangot sa linya sang kaliwatan nga nagadul-ong kay Hari David sang Israel. (1 Cronica 2:​3-15; Rut 4:​20-22) Sing importante pa, ang anay makihilawason nga si Rahab isa sang apat ka babayi lamang nga ginhingadlan sa genealohiya ni Mateo tuhoy kay Jesucristo. (Mateo 1:​5, 6) Daw ano nga kabulahanan gikan kay Jehova!

Bisan pa indi Israelinhon kag isa anay ka makihilawason, si Rahab tumalagsahon nga halimbawa sang isa ka babayi nga nagpamatuod bangod sang iya mga binuhatan nga may bug-os nga pagsalig sia kay Jehova. (Hebreo 11:​30, 31) Kaangay sang iban, ang pila sa ila nagbiya sang pangabuhi nga makihilawason, magabaton sia sing isa pa ka padya​—⁠ang pagkabanhaw gikan sa minatay padulong sa kabuhi sa paraiso nga duta. (Lucas 23:43) Bangod sang iya pagtuo nga ginaupdan sang mga binuhatan, natigayon ni Rahab ang kahamuot sang aton mahigugmaon kag mapinatawaron nga langitnon nga Amay. (Salmo 130:​3, 4) Kag pat-od gid nga ang iya maayong halimbawa nagapalig-on sa tanan nga nagahigugma sa pagkamatarong nga magtulok kay Jehova nga Dios para sa kabuhi nga walay katapusan.

Paghupot sang Aton Mata nga “Simple” sa Hilikuton sang Ginharian

ANG German Democratic Republic (G.D.R.), ukon ang kilala anay nga Sidlangan nga Alemanya, haluson nakalab-ot sing mga 40 tubtob mga 60 ka tuig. Ang kap-atan kag isa ka tuig nga pagluntad natapos sang Oktubre 3, 1990, sang ang teritoryo sini, nga halos pareho sing kadakuon sa Liberia ukon sa estado sang Tennessee sa Estados Unidos, gintingob sa Federal Republic of Germany, nga gintawag anay nga Katundan nga Alemanya.

Ang liwat nga pag-isa sang duha ka Alemanya nagkahulugan sing madamo nga mga reporma. Indi lamang pisikal nga dulunan, kundi dulunan sang mga ideolohiya ang nagbulag sa duha ka pungsod. Ano ang kahulugan sini ­tanan para sa mga tawo didto, kag paano ­nagbalhin ang kabuhi para sa mga Saksi ni Jehova?

Ang Wende, ang rebolusyon sang Nobiembre 1989 nga nagpaposible sang liwat nga pag-isa,